صار المكان بدون شوفك ولا شي
حزين يوحي بالملل والكائبة
أنت لها الافرح والأنس والضي
وأنت لنفسي عونها والمتابه
ما عوضك ياصاحبي من البشر حي
خلق حميد واحترام ومهابة
إن غبت عني تظلم الدار والحي
وإن غاب غيرك ما عسرني غيابه
أنا بدونك زهرة مالها ري
بين الهشيم وتستغيث بسحابة
مصفر الأوراق مقطوعة المي
يبكي لها سيح الجنوب وهضابه
أنار تكوي ضامري يالغلا كي
والفكر متشتت وفاقد صوابه
لان المكان بدون شوفك ولا شي
يسكن زواياه الملل والكائبة
25 يونيو, 2007 01:15 ص